Bota Jone: Faqia Kryesre

Εμφάνιση αναρτήσεων με ετικέτα Faqia Kryesre. Εμφάνιση όλων των αναρτήσεων

Τετάρτη 6 Ιουνίου 2012

Të rinjtë e Gjirokastrës restaurojnë me paratë e xhepit memorialin e rilindësve

Pasi kanë bërë disa herë thirrje për të shpëtuar memorialin e rilindësve, të rinjtë e Gjirokastrës i kanë hyrë vetë punës. Siç raporton e përditshmja Shqip, të rinjtë e bashkuar rreth lëvizjes “Djemtë e Gjirokastrës” kanë nxjerrë secili lek nga xhepi për të blerë materialet e nevojshme për restaurim.
Përveç rehabilitimit të pesë varreve ku prehen eshtrat e Çerçiz Topullit, Bajo Topullit, Koto Hoxhit, Pandeli Sotorit dhe Andon Zako Çajupit, këta të rinj kanë pastruar edhe ambientin përreth dhe i kanë rikthyer memorialit shqiponjën dhe një flamur. Simboli i vendosur lart në kullë ishte katandisur në një skelet që nuk kuptohej më se çfarë ishte.
Por të rinjtë mendojnë të mos ndalen me kaq. Ata thonë se kanë ngritur një grup pune me studentë, për të parë shpenzimet që duhen për të restauruar të gjitha monumentet historike në krahinën e Gjirokastrës. Ata thonë se kanë nisur mbledhjen e fondeve për ndërtimin e pesë busteve të 5 rilindësve të harruar, Elmaz Boce, Bajram Ligu, Bajo Topullit, Zeman Mashkullores dhe bashkë me “Djemtë e Përmetit” do ngrenë bustin e Abdyl Frashërit në këtë qytet.

Δευτέρα 4 Ιουνίου 2012

I hedhin ekstazi në pije, gjen vdekjen adoleshentja

Fatale ka qenë për një 15 vjecare nga Liverpuli i Anglisë, pjesëmarrja në një festë ku ajo ka shkuar së bashku me miqtë e saj. Rose Farley ndërsa ishte duke dëfryer kishte konsumuar disa pije gjatë party-t të organizuar në një lokal. Por pas njëfarë kohe ajo ishte ndjerë keq dhe ishte larguar për në shtëpi. Në orët e para të mëngjesit të së shtunës, ndërsa ka qenë duke u përkeqësuar ajo është shoqëruar për në spital ku edhe ka gjetur vdekjen pas disa orësh.
Miqtë e viktimës dyshojnë që asaj i kanë hedhur diçka në pije, që sipas të gjitha gjasave mund të ketë qenë ecstasy. Ata dëshmuan se pas pijes adoleshentja ishte shprehur se pija kishte qenë “e mrekullueshme dhe me flluska”. Megjithatë policia që tashmë ka nisur hetimet, pret përfundimet e analizave për të dalë në një përfundim zyrtar./albobserver.com/

Protestë nudo me biçikletë (FOTO)

Në qytetin e Mançesterit në Angli është zhvilluar një manifestim për mbrojtjen e të drejtave të atyre që përdorin biçikleta brenda qytetit. Për ta bërë sa më tërheqës manifestimin e tyre dhe për të tërhequr vëmendjen, manifestuesit kanë vendosur që të dalin me biçikleta gjysëm nudo dhe disa nudo.